Azərbaycan turizm imkanlarını Rusiyada təbliğ edib.

15-20 sentyabr tarixlərində Azərbaycan Turizm Bürosu tərəfindən Rusiyanın Yekaterinburq, Moskva və Sankt-Peterburq şəhərlərində bir neçə tədbirlər keçirilib. Bu tədbirlərdə Azərbaycanın turızm potensialını başqa şirkətlərlə yanaşı, Victory Tour turizm şirkəti təqdim edib.

Tədbirlərin təşkilində məqsəd Rusiyada fəaliyyət göstərən turizm şirkətlərinin nümayəndələrini Azərbaycanda təklif edilən turizm məhsulları haqqında məlumatlandırmaq, həmçinin Azərbaycanın turizm sənayesi nümayəndələri ilə Rusiyanın turizm şirkətlərinin nümayəndələri arasında B2B (Biznesdən biznesə) formatında görüşlərin təşkil edilməsidir.